اكلات شعبية

طريقة عمل الفول المدمس بـ 5 وصفات زي فول العربية

دورتي كتير وملقتيش طريقة عمل الفول المدمس في البيت زي فول العربية انهاردة هنقدملك كل الطرق وكل التكات علشان تعرفي تعملي الفول المدمس زي العربية والمحلات.

هتقدمي الفول المدمس مع الطعميه بأحلي طعم ومع البازنجان المخلل والعديد من الأكلات الشعبية التي تحبيها انتي واسرتك.

طريقة عمل الفول المدمس مع نجلاء الشرشابي

طريقة عمل الفول المدمس مع نجلاء الشرشابي
طريقة عمل الفول المدمس مع نجلاء الشرشابي

المكونات:

  • نصف كيلو فول منقوع
  • نصف كوب فول مدشوش
  • نصف كوب عدس أصفر
  • ماء
  • حباية طماطم
  • كوباية جزر مبشور
  • معلقة صغيرة كركم

التحضير:

  1. احضري بولة كبيرة وقومي بوضع فيها مياة وضعي فيه الفول واتركيه يوم كامل حتي ينقع جيدا ثم قومي بتصفيتة وأحضري دماسة وقومي بوضع فيها الفول المنقوع.
  2. قومي بوضع الجزر المبشور وفوقه العدس الاصفر والفول المدشوش وفوقهم الكركم وقطعي حباية طماطم علي الفول ثم قومي بإضافة المياة فوق الفول.
  3. قومي بوضع ورق فويل علي الدماسة وضعي الغطاء وضعيها علي النار حتي تغلي ثم قومي بتهدئة النار واتركيها حوالي 3 ساعات علي نار حتي تستوي.
  4. اذا قل مياة الفول المدمس قومي بإضافة المياة المغلية اذا احتاجت ثم ارفعيها من علي النار وقدميها مع الزيت والليمون او بالطماطم وبالهناء والشفاء.

طريقة عمل الفول المدمس مع هالة فهمي

طريقة عمل الفول المدمس مع هالة فهمي
طريقة عمل الفول المدمس مع هالة فهمي

المكونات:

  • نصف كيلو فول تدميس
  • 2 معلقة كبيرة فول مدشوش
  • 2 معلقة كبيرة عدس اصفر
  • مياة مغلية
  • شرائح ليمون
  • خل
  • كيلو رمل

التحضير:

  • قومي بإحضار بولة كبيرة وضعي فيها مياة مغلية وضعي فيها الفول المدمس وأتركيه حوالي 3 ساعات حتي يتم نقعه جيدا في الماء.
  • أحضري دماسة او حلة حسب ما تحتاجي ثم قومي بوضع الفول المدمس المنقوع ومصفي في الدماسة ويكون مصفي جيدا حتي تنتهي من كل الكمية.
  • قومي الان بوضع معلقتين من الفول المدشوش وضعي فوقة العدس علي الوش ثم قومي بوضع المياة المغلية علي ان تكون ثلاثة ارباع فوق مقدار الفول اي كل 3 كوبايات فول نضع لهم 6 اكواب ماء.
  • قومي بوضع الدماسة علي النار مع تغطيتها جيداً, يمكن تغطيتها بورق الفويل او بوضع طبق علي الدماسة وضعي فيه مياة وشرائح ليمون وخل واتركيه اثناء التسوية.
  • اتركي الدماسة حتي تغلي اول غلوة ثم احضري صينية علي النار الهادئة جدا ثم ضعي فيه رملة حتي منتصف الصينية ثم قومي بوضع فيها الدماسة وغطي الجوانب اللي تحت في الرمل.
  • اتركيها حوالي 3 ساعات علي نار هادئة حتي يستوي جيدا, بعد اول 3 ساعات قومي بوضع المياة الي في الطبق في الدماسة وزودي الطبق مرة أخري بالمياة.
  • اعملي نفس الطريقة كل نصف ساعه حتي تستوي جيدا ثم ارفعيها من علي النار وضعيها في طبق التقديم وبالهناء والشفاء.

طريقة عمل الفول المدمس مع مروة الشافعي

طريقة عمل الفول المدمس مع مروة الشافعي
طريقة عمل الفول المدمس مع مروة الشافعي

المكونات:

  • كيلو فول
  • فنجان بليلة
  • 2 فص ثوم
  • معلقة كبيرة بابريكا
  • 2 عصير ليمونة
  • كوب عدس أصفر
  • ماء ساخن

التحضير:

  1. أحضري الدماسة وقومي بوضع فيه الفول المنقوع ومصفي ثم اضيفي قمح البليلة ويكون منقوع نفس مدة الفول وافردية علي وش الفول او تضعي 2 معلقة كبيرة من الارز بدل البليلة.
  2. أضيفي الان علي الوش العدس الاصفر المغسول ومصفي ثم قومي بوضع 2 عصير الليمونة وممكن ان تضعي قشر الليمون كمان فوقة.
  3. اضيفي الان البابريكا علي الوش او الكركم حوالي معلقة صغيرة ثم قومي بوضع المياة المغلية في الدماسة حتي تغطي الفول المدمس نهائيا.
  4. قومي بوضع الدماسة علي النار واتركيها حتي تغلي ثم قومي بتهدئة النار واتركيها حوالي 4 ساعات ثم افتحي عليه وتأكدي من الفول واذا كانت تحتاج المزيد من المياة.
  5. قومي الان بتركها ساعتين مرة أخري حتي تكتمل السواء وارفعيها وقدميها في اطباق التقديم وبالهناء والشفاء.

طريقة عمل الفول المدمس مع فاطمة أبو حاتي

هنعمل مع بعض طريقة عمل الفول المدمس من غير ميبقي لونة اسود ويفضل اللون الفاتح زي المحلات.

طريقة عمل الفول المدمس مع فاطمة أبو حاتي
طريقة عمل الفول المدمس مع فاطمة أبو حاتي

المكونات:

  • كوباية من فول التدميس
  • ربع كوباية من الحمص
  • ربع كوباية من القمح
  • ربع كوباية من العدس الأصفر
  • بصلة مقطعة أرباع
  • ربع معلقة بيكنج صودا
  • حباية طماطم
  • رشة كركم

تجهيز طبق فول للأكل:

  • بصلة مفرومة
  • زيت
  • عصير ليمون
  • معلقة صغيرة كمون
  • ملح
  • شطة حسب ما تحبي

التحضير:

  1. احضري بولة وضعي فيها مياة مغلية وضعي فيها الفول واتركيها ليلة كاملة لينقع واحضري بولة اخري وضعي فيها ايضا مياة مغلية وضعي فيها الحمص واتركيه ايضا ليلة كاملة ليتم نقعه.
  2. أحضري الدماسة وقومي بوضع فيها فول التدميس المنقوع ومصفي جيدا وضعي فوقة الحمص المنقوع ومصفي ايضا ثم اضيفي البصل المقطع ارباع.
  3. واضيفي القمح والعدس والطماطم مقطعة ارباع ايضا واضيفي المياة المغلية فوق الفول حتي يغطي الفول واعلي قليلا وضعي البيكنج صودا والكركم وضعيها علي النار واتركيها حتي تغلي.
  4. قومي الان بتهدئة النار وتأكدي كل فترة ان الفول لا يحتاج مياة مغلية اخري, ولا تقومي بفتح علي الفول كل شوية حتي لا يسود منكي وحاولي ان تبقي الدماسة مغلقة حوالي 4 ساعات قبل ان تري اذا كانت استوت ام لا.
  5. زودي المياة المغلية ثم اتركيه قليلا علي النار حتي يكتمل سواء ثم قومي برفعها من علي النار وقومي بتركها قليلا لتبرد قبل التجهيز.
  6. قومي الان بوضع الفول في طبق لنقوم بتجهيزة, احضري طاسة علي النار وضعي فيها القليل من الزيت والبصلة المفرومة وقومي بتشويحها علي النار.
  7. واضيفي الفول المدمس فوقه وقومي بالتقليب علي النار ثم قومي بوضع الكمون والملح والشطة حسب الحاجة وقومي بتقليبها قليلا.
  8. قومي الان برفع الفول من علي النار وضعي الليمون العصير وقومي بالتقليب وقدمية مع الطعمية وبالهناء والشفاء.

طريقة عمل الفول المدمس مع الشيف نونا

هنجهز الفول انهاردة مع بعض زي فول العربية وبجمالوا وكمان هنحضر دقة الفول اللي بتتحط علي طبق الفول علشان يبقي اجمل طبق.

طريقة عمل الفول المدمس مع الشيف نونا
طريقة عمل الفول المدمس مع الشيف نونا

المكونات:

  • نصف كيلو فول تدميس
  • كوب من العدس الاصفر
  • 2 معلقة كبيرة من الكركم
  • ماء

دقة الفول زي فول العربية:

  • 2 معلقة كبيرة ثوم مهروس
  • 2 كوباية زيت
  • كوباية عصير ليمون
  • 3 معلقة كبيرة طحينة
  • 2 معلقة كبيرة كمون
  • معلقة كبيرة كزبرة جافة
  • معلقة كبيرة فلفل أحمر حار جاف
  • ملح

التحضير:

  1. احضري القدرة او الدماسة وقومي بوضع فيها فول التدميس منقوع ومصفي, أضيفي العدس فوق الفول واضيفي فوقهم الكركم وقومي بتقليبهم معا جيدا بتحريك الدماسة.
  2. اضيفي الان المياة المغلية واتركي مساحة للغليان في الدماسة ثم قومي بتغطيتها بورق فويل جيدا ثم قومي بوضعه علي نار عالية واتركيه حتي يغلي جيدا اولا.
  3. قومي الان بتهدئة النار الان وأتركيه لمدة 3 ساعات حتي يستوي الفول وتأكدي من المياة قلت ام لا لو قلت المياة أضيفي المياة المغلية مرة أخري واتركيه نصف ساعه قبل ان تفتحي عليه مرة أخري.
  4. قومي الان بالتأكد من سواء الفول ثم قومي برفعه من علي النار وضعيه جانبا ليبرد قليلا قبل استخدامة واتركيه في الدماسة لإستخدامة.
  5. لنقوم بتحضير دقة الفول زي العربيات, احضري الخلاط وقومي بوضع فية الزيت والثوم المهروس وعصير الليمون والطحينة واضيفي فوقهم الكمون والكزبرة الجافة والفلفل الاحمر.
  6. قومي بتشغيل الخلاط واضافة الملح حسب الحاجة واستمري في خلط المكونات معا حتي يتكون الدقة وقومي بوضعها في زجاجة وتكون الان جاهزة للإستخدام مع الفول في اي وقت.
  7. قومي الان بإحضار طاسة وضعي فيها الفول واضيفي له دقة الفول المدمس وقومي بتقليبهم معا وقدميه وبالهناء والشفاء.
طريقة عمل الفول المدمس بـ 5 وصفات زي فول العربية - وصفات طبخ
طريقة عمل الفول المدمس بـ 5 وصفات زي فول العربية

دورتي كتير وملقتيش طريقة عمل الفول المدمس في البيت زي فول العربية انهاردة هنقدملك كل الطرق وكل التكات علشان تعرفي تعملي الفول المدمس زي العربية والمحلات.

Type: أكلات شعبية

Cuisine: مطبخ مصري

Keywords: طريقة عمل الفول المدمس

Recipe Yield: 5

Calories: 210

Preparation Time: 10M

Cooking Time: 4H30M

Total Time: 4H40M

Video Content URL: https://www.youtube.com/c/ckrecicom

Recipe Video Thumbnail: https://www.ckreci.com/wp-content/uploads/2021/02/طريقة-عمل-الفول-المدمس-بـ-5-وصفات-زي-فول-العربية.jpg

Recipe Video Name: طريقة عمل الفول المدمس بـ 5 وصفات زي فول العربية

Video Upload Date: 2021-02-03

Recipe Video Description: دورتي كتير وملقتيش طريقة عمل الفول المدمس في البيت زي فول العربية انهاردة هنقدملك كل الطرق وكل التكات علشان تعرفي تعملي الفول المدمس زي العربية والمحلات.

Recipe Ingredients:

  • نصف كيلو فول منقوع
  • نصف كوب فول مدشوش
  • نصف كوب عدس أصفر
  • ماء
  • حباية طماطم
  • كوباية جزر مبشور
  • معلقة صغيرة كركم

Recipe Instructions: احضري بولة كبيرة وقومي بوضع فيها مياة وضعي فيه الفول واتركيه يوم كامل حتي ينقع جيدا ثم قومي بتصفيتة وأحضري دماسة وقومي بوضع فيها الفول المنقوع. قومي بوضع الجزر المبشور وفوقه العدس الاصفر والفول المدشوش وفوقهم الكركم وقطعي حباية طماطم علي الفول ثم قومي بإضافة المياة فوق الفول. قومي بوضع ورق فويل علي الدماسة وضعي الغطاء وضعيها علي النار حتي تغلي ثم قومي بتهدئة النار واتركيها حوالي 3 ساعات علي نار حتي تستوي. اذا قل مياة الفول المدمس قومي بإضافة المياة المغلية اذا احتاجت ثم ارفعيها من علي النار وقدميها مع الزيت والليمون او بالطماطم وبالهناء والشفاء.

Editor's Rating:
5
تابعوا وصفات طبخ على

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى